Disa imazhe të pazakonta që mund të prekin ndjeshmërinë vizuale të shumë personave, vinin nga ritualet myslimane me prerje e përgjakje të trupit, për të shënuar Ditën e Ashures në Irak.
Myslimanët në Irak kryen ceremoninë vetë-lënduese në tempullin e Imam Ali në Najaf, për të shënuar ditën e Ashures, dita e nëntë e Muharramit, në muajin e parë të kalendarit islamik.
Për myslimanët shiitë Ashura është një event madhor fetar ku besimtarët kujtojnë rënien e martirit Husain Ibn Ali al-Husein, nipi i Profetit Muhamed, i cili vdiq në betejën e Karbala në vitin 680.
Aktet e prerjes e përgjakjes konsiderohen si një mënyrë e larjes së mëkateve nga ata që kryejnë ritualin. Pamjet e marra në Najaf, Irak, tregojnë një grup myslimanësh shiitë me veshje të bardha që kryejnë prerje në kokat e tyre për të lejuar që gjaku të rrjedhë poshtë përgjatë trupit.
Ndërsa të tjerë njerëz të veshur me të zeza, qëndrojnë anash grupit më të madh, duke i ndihmuar të përgatiten për ritualin.
Në disa pamje shihen gjithashtu ndihmesa që mbajnë veshje dhe shishe uji në rast se të prerët kanë nevojë për ndihmë.
//ReportTv.al
Komente
Keto lloj ritualesh nuk i kane vetem muslimanet.Rituale te ngjashme jane perdotur nga disa dervishe qe shponin me shtize faqet tej per tej;gjithashtu dhe krishterimi ka pasur raste te ngjashme,p.sh disa murgjer katolike qe kamzhikonin veten,po keshtu ne Gjermani ka qene ne mesjete nje sekt i krishtere ekstrem, qe kalonin neper qytete e fshatra duke kamzhikuar veten, deri ne hemoragji dhe emrin nga ky akt e kane marre;gjithashtu edhe sot ne disa vende te botes,si Izrael dhe Filipine,kur eshte koha e Pashkeve,shume besimtare ekstremiste kamzhikohen si Krishti,ose ka raste, qe dhe kryqezohen prej verteti per disa ore.Po keshtu ka vende si katedralja e Guadalupes,ku njerezit shkojne me distanca te tera,duke u zvarritur neper kalldrem,duke ecur me gjunje, derisa u behen gjak.Te gjitha keto,pavaresisht vendit,kohes e religjonit,behen ne emer te besimit .
Përgjigju